Schoulfest 2024
Als Ofschloss vum Joer organiséiert d’APECB dëse Freideg, den 12. Juli 2024, e flott Schoulfest am Duerfgaart! Dir sidd häerzlech agelueden, fir tëscht 16h00 an 20h00 laanscht ze kommen. Et gëtt verschidden Animatiounen, leckert Iessen a frëscht Gedrénks. Mir freeën eis op Iech!
Stammzellespend fir d´Nancy
Ënnerstëtzt d´Nancy a seng Famill am Kampf géint d´Leukämie!
Pourte Ouverte an der Spillschoul
Den 11.07.2024 kënnen d’Kanner, déi ab September an d’Spillschoul ginn mat hiren Elteren op d’Porte Ouverte vum Cycle 1 kommen. Esou kënnt dir de Sall, d’Joffer a Schoulkomerode kenneléieren. Vu 17h30 bis 18h00 sinn d’Joffere fir Iech do a beäntwerten är Froen. Eng super Virbereedung fir e spannenden, neien Ufank am September! PO Spillschoul
Science Mobil
De Science Mobil kënnt vum 11.06.-21.06.24 bei eis an d’Schoul vir de Cycle 3 a Cycle 4, dëst mam Thema « Einblick in die Evolution ». Duerch fuerschend Aktivitéite kréien si en Abléck an d’Theme vun der DNA, den Déierenaarten an der Evolutioun vun de Liewewiesen.
Sportsdag Cycle 3
De Cycle 3 organiséiert en Donneschdeg de 23.Mee am Kader vun der Schoul-Sport-Woch verschidde Beweegungsatelieren: Volleyball, Fussball, Tennis, Dëschtennis a Rolzen. Hei stinn d’Beweegung, den Ekippegeescht, d’Freed un der Beweegung, d’Sensibiliséierung an d’Gesondheet vun de Kanner am Vierdergrond.
Sportsdag Cycle 2
E Freideg de 24.Mee geet de Cycle 2 am Kader vun der Schoul-Sport-Woch Vëlo fueren. Esou ginn ënner anerem d’Beweegung an der Natur, den Zesummenhalt als Grupp an d’Gesondheet vun de Kanner gefërdert. Mir freeën eis op eng aktiv Sortie!
Miniredaktioun on air
Mir Kanner aus dem Cycle 3.2 hunn an de leschte Wochen un engem Reportage iwwert den Absolut Bertrange geschafft. Nieft Interviewe mat den Organisateuren a Musiker hu mer eis och de Radiosender ARA ugekuckt an eng Liveshow materlieft. No eise Recherchë sinn nieft enger Radiosemissioun och e Reportage fir d´Kannerzeitung Piwitsch entstan. De ganze Reportage…
Grouss Botz
De Cycle 2 an 3 organiséieren am Kader vun der « grousser Botz » zu Bartreng eegen Initiativen. De Cycle 2 huet ronderem d’Schoul gebotzt, vum Cycle 3 botzt no der Ouschtervakanz all Woch eng aner Klass den Haff. Esou ginn d’Kanner sensibiliséiert Dreck net um Buedem léien ze loossen an op hir Saachen (Broutkëschten, Jacketten, asw.)…
Schoulcharta aktiv liewen
Fir eis Schoulcharta hunn d’Kanner Plakater gemaach. Am Ufank vum Joer hunn si all d’Charta ënnerschriwwen a maache reegelméisseg Aktivitéiten zu de verschiddenen Themen, fir dës och aktiv ze liewen. D’Charta fannt dir hei um Site ënnert « Informatiounen ».
Don fir « Action pour un Monde Uni »
De Beiestack huet Sue gesammelt am Kader vun engem Chrëschtmaart. Vir de Chrëschtmaart si Saache gebastelt gi vun de Schüler an et ass Kuch a Gedrénks verkaaft ginn. D’Suen (3674€) sinn un d’ONG « Action pour un Monde Uni » gaangen.